വാക്ക്...

വാക്ക് -
.............
...:.........

അടുത്ത ജന്മം
എനിക്കൊരു വാക്കായി ജനിക്കണം..

കവികളുടെ
കവിതയിലലിയാൻ,
കഥാകാരന്മാരുടെ
കരവിരുതുകൾക്കു പാത്രമാവാൻ,
പാട്ടുകാരുടെ
താളലയങ്ങളിലൂയലാടാൻ,
സ്നേഹിക്കുന്നവർക്ക്
തലോടലാവാൻ
കരയുന്നവർക്ക്
ആശ്വാസമാവാൻ,
ഒടുവിൽ
ദേഷ്യപ്പെടാനും
വെറുക്കാനുംവേണം വാക്കുകൾ.

വാക്കേ, നീയാണ് ഞാൻ
നീയാണ് എന്നിലെ ശക്തി
നീയാണ് എന്നിലെ ഉണർവ്
നീ അമ്മയാകുന്നു
എന്നൂർജ്ജമാകുന്നു
ശിവതാണ്ഡവത്തിൻ
ഉടുക്കുകൊട്ടലിൻ താളത്തിൽ
പിറവി കൊണ്ട വാക്കേ
നമിക്കുന്നു...
നിന്നെ ഞാൻ നമിക്കുന്നു...

----------------------------
* അമ്പിളി ഗോപൻ *